समायोजन खबर टोकियो,
जापानमा अत्याधिक गर्मी बढेपछि प्राकृतिक विपत्ति घोषणा गरिएको छ । गर्मीका कारण एक सातामा ६५ जनाको मृत्यु भएपछि जापानको मौसम एजेन्सीले देशभरी चलेको तातो हावाको आँधीलाई प्राकृतिक विपत्ति घोषणा गरेको हो । एजेन्सीले गर्मीको स्तर धेरै देखिएकाले सर्वसाधारणलाई सजग सचेत समेत गराएको छ ।

हिजो जापानको कुमागया शहरको तापक्रम ४१ दशमलब १ डिग्री सेल्सियस मापन गरिएको थियो जुन जापानमा अहिलेसम्मकै उच्च तापक्रम हो । टोकियो शहरमा पहिलो पटक पनि ४० डिग्री भन्दा धेरै मापन गरिएको छ । जापानको मौसम पुर्वानुमान एजेन्सीले अगस्टको पहिलो सातासम्म गर्मी कम नहुने र तापक्रम ३५ डिग्री भन्दा धेरै हुने भएकाले सर्वसाधारणलाई सजग रहन आग्रह गरेको अन्तराष्ट्रिय सञ्चार माध्यमहरुले खबर लेखेका छन् । साभार, अन्तराष्ट्रिय सञ्चार माध्यम

२०७५ साउन ८ गते साँझ ६ : १० बजे प्रकाशित