समायोजन खबर खोटाङ, खोटाङको हलेसी तुवाचुङ नगरपालिकाले नागरिकलाई स्वास्थ्य उपचारमा सहुलियत सुविधाको व्यवस्थापन गरेको छ।

नगरपालिकाले केएमसी अस्पताल सिनामंगल काठमाण्डौमा २५ प्रतिशत, केएमसी अस्पताल दुवाकोट भक्तपुरमा ५० प्रतिशत र नोवेल मेडिकल कलेज टिचिङ अस्पताल प्रालि बिराटनगरमा २० प्रतिशत सुहलियत हुने व्यवस्था गरेका हुन्।

अतिविपन्न वर्गका २० जनालाई केएमसी अस्पताल दुवाकोट भक्तपुरमा एक वर्षसम्म स्वास्थ्य उपचारमा सतप्रतिशत छुट उपलब्ध हुने व्यवस्था मिलाईएको मेयर बिमला राईले बताईन्।