प्रकाश पन्थी पुस/२९ जापान,

नेपाल पत्रकार महासंघका अध्यक्ष गोविन्द आचार्य लगायत ५ जना पत्रकारलाई कतारमा त्यहाँको सीआइडीले सोधपुछका लागि भन्दै नियंन्त्रणमा लिएको छ । पत्रकार महासंघ, कतार शाखाको छैठौं अधिवेशनामा प्रमुख अतिथि तथा अतिथिका रुपमा सहभागि हुन गएका अध्यक्ष आचार्य लगायतलाई शुक्रबार त्यहाँको सीआइडीले समातेको हो ।

समातिनेमा नेपालबाट गएका महासंघका अध्यक्ष आचार्य, प्रेस काउन्सीलका सदस्य एवं महासंघका पूर्व उपाध्यक्ष खिलबहादुर भण्डारी, महासचिव रमेश विष्ट र कतार शाखाका अध्यक्ष गणेश बञ्जाडेलाई पनि सीआइडीले नियंत्रणमा लिएको हो ।

दिउँसो १ बजे सुरु भएको अधिवेशन चलिरहेको वखत कार्यक्रमस्थलबाट नै उनीहरुलाई करिव ३ बजेतिर पक्राउ गरिएको हो । उनीहरुको रिहाईका लागि कतारस्थित नेपाली दूतावासले पहल गरिरहेको जनाइएको छ ।