फुर्वा शेर्पा मंसिर÷०४ जापान ,

ईराकमा मृत्यु भएकी लक्ष्मी बलको शव नेपाल पठाउन नेपाल तामाङ समाज जापान किताकान्तो क्षेत्रिय समितिले १ लाख ५३ हजार जापानी येन आर्थिक सहयोग गरेका छन । मकवानपुर जिल्ला कैलाश गाँउपालीका घर भई साँढे दुई बर्ष अघि रोजगारीको शिलशिलामा भारत हुदै ईराक पुगेकी बलको केहि साता अघि असामयिक निधन भएको थियो ।

आर्थिक स्थिति कमजोर भएका कारण शवलाई नेपाल लैजान समस्या भएकाले परिवारले सहयोगको याचना गरेका थिए । समाजका सचिव सरोज तामाङको सक्रियतामा जापान स्थित विभिन्न संघसंस्थाका प्रतिनिधिहरुबाट संकलित रकम युवा संगीतकार एवं बुद्धिष्ट तामाङ सुधार समितिका महासचिव गिरी बहादुर तामाङ मार्फत मृतकका श्रीमान अशोक बललाई हस्तान्तरण गरिएकोे छ ।

अभियानका सहयोगीदाता सवैलाई समाजका अध्यक्ष कुलमान लामाले धन्यवाद व्यक्त गर्नुभएको छ । आगामी दिनहरुमा पनि यस्तै साथ र सहयोगको अपेक्षा गर्दै समाज सधै सामाजिक कार्यहरुमा अग्रसर रहने प्रतिबद्धता समेत व्यक्त गरेका छन ।