भदौ÷१६ कतार,

कतारको आन्तरिक मन्त्रालय र श्रम मन्त्रलयको सहयोगमा ईदको अबसर पारेर कतारमा बृहत सांगितीक कार्यक्रम हुने भएको छ ।
कतारको अलअलि स्पोर्टस् क्लबमा ईदको दोस्रो दिन अर्थात शनिवार हुने कार्यक्रमलाई एनआरएनए कतारले संयोजन गर्दैछ । कार्यक्रममा प्रस्तुती दिनका लागी नेपाली ख्याति प्राप्त कलाकारहरु बिहिवार कतार पुगेका छन ।

बहुचर्चित गायक राजेश पायल राई, हाँस्य कलाकार सन्दीप क्षेत्री कतार आएका हुन् भने लोकदोहोरी गायिका चन्दा अर्याल, नृत्याङ्गान प्रमिला खनाल र गायिका अमृता लिम्बलेु समेत आफ्नो प्रस्तुती दिने भएका छन् । कतारको आन्तरिक मन्त्रालय र श्रम मन्त्रालयले विभिन्न देशका श्रमिकहरुलाई मध्यानजर गर्दै ईदको अबसर पारेर साँस्कृतीक कार्यक्रम गर्दै आएको छ ।