विवादित टापु दर्साउने संयुक्त कोरियाली ओलम्पिक झण्डाको प्रयोगबारे जापानले विरोध जनाउँदै यो असह्य हुने सोमबार बताएको छ ।

फेब्रुअरी ९ मा आयोजना हुने ओलम्पिकको उद्घाटन समारोहमा दुवै कोरियाले संयुक्त झण्डा प्रयोग गर्ने सहमति गरिसकेका छन् साथै उनीहरुवीच संयुक्त महिला आइस हक्की टिम बनाउने पनि सहमति भएको छ । उक्त झण्डामा रहेको निलो थोप्लाले दक्षिण कोरियाको नियन्त्रणमा रहेका र जापानले दावी गर्दै आएका सी अफ जापानमा रहेका टापुलाइ जनाउँछ । उक्त टापुलाइ कोरियाली भाषामा डोक्लो र जापानी भाषामा ताकेसिमा भनेर चिनिन्छ ।

ताकेसिमाको सार्वभौमसत्तामा आधारित उक्त झण्डा स्वीकार्य नहुने भन्दै मन्त्रालयका मुख्य सचिव योसिहिदे सुगाले ओलम्पिक खेल सुरु हुन कृही दिमात्र बाँकी रहेको अवस्थामा यस्तो घटना निकै पश्चातापपूर्ण रहेको बताए । यसका लागि आफुहरुले दक्षिण कोरियासंगको कुटनैतिक संजालबाट विरोध जनाएको र जापानले निरन्तर यस विषयमा ध्यानाकर्षण गराइराख्ने बताए ।

@nepaljapan