समायोजन खबर, पछिल्लो २४ घण्टामा देशभर थप तीन हजार ५५३ जनामा कोरोना संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार देशभरका प्रयोगशालामा १५ हजार ८१ जनामा परीक्षण गर्दा उनीहरुमा संक्रमण पुष्टि भएको हो।

पछिल्लो २४ घण्टामा थप एक जनाको मृत्यु भएको छ। योसँगै नेपालमा कोरोनाका कारण मृत्यु हुनेको संख्या ११ हजार ६१० पुगेको मन्त्रालयले जनाएको छ।

आज थप २७१ संक्रमणमुक्त भएका छन्। हाल १४ हजार २४० सकृय संक्रमति छन्।