समायोजन खबर खोटाङ, खोटाङको साकेला गाउँपालिका–२ रतन्छामा भएको स्वास्थ्य शिविरमा २०८ जना नागरिकले स्वास्थ्य सेवा लिएका छन्।

रणभीम गण मुडे ब्यारेक र नम्बर १८ फि ए गुल्मको आयोजनामा १६ चैतमा भएको शिविरमा ५९ जना पुरुष, १४९ जना महिला तथा १० जना बालबालिकाले विभिन्न प्रकारका स्वास्थ्य सेवा लिएका छन्।
जिल्ला अस्पताल र गाउँपालिकाको आधारभूत अस्पतालसँग समन्वय र सहयोगमा सेनाले चलाएको शिविरमा स्वास्थ्य परीक्षण, औषधि वितरण, महिला तथा बाल स्वास्थ्य सम्बन्धी परामर्श सेवा प्रदान गरिएको छ।

नागरिक र सैन्य सम्बन्ध सुदृढ गर्न तथा दुर्गम क्षेत्रमा आधारभूत स्वास्थ्य सेवाको पहुँच पु¥याउने उद्देश्यले शिविरको आयोजना गरिएको रणभीम गण मुडे ब्यारेकका गणपति प्रमुख सेनानी केदारप्रसाद लामिछानेले बताउनुभयो।
सेनाले चलाएको शिविरले स्थानीयस्तरमा स्वास्थ्य सेवा प्रवाहमा सहयोग पुगेको र नागरिक–सैन्य सम्बन्ध अझ मजबुत भएको साकेला गाउँपालिका अध्यक्ष रविप्रकाश राईले बताउनुभयो।