चिसाङ शेर्पा खोटाङ,
पहाडी भेगमा राताम्मे भएर गुराँस फुल्न थालेको छ । गुुुराँस फुलेपछि जंगलनै रमणिय बनेको छ ।गुराँस टिप्न तथा फोटो खिच्न मानिसको चहलपहल सुरु हुन थालेको छ ।

गुराँस नेपाल लगायतका देशहरूमा पाइने एक प्रकारको रूख हो । यो पतझड अर्थात् decidious वर्गमा पर्दछ । यसको रूख होचो झ्याम्म परेको हुन्छ जुन धेरजसो भीरालो ठाउँमा उम्रन्छ । उच्च पहाडी भेकमा पाइने यो वनस्पति चैत्र/बैशाख महिनामा फूल्ने गर्दछ । लाली गुराँस नेपालको राष्ट्रिय फूल हो । ३ हजार मीटर भन्दा माथिको उचाइमा सेतो गुराँस पाइन्छ । दुवै प्रकारका गुराँस औषधि मानिन्छन् । नेपालमा गुराँसको सर्वत बन्दछ ।

खोटाङको नुनथलामा फुलेको गुराँस । तस्विर चिसाङ शेर्पा

विश्वको सबैभन्दा अग्लो लालीगुराँसको बोट नेपालमा रहेको छ । इलाम जिल्लाको मंगलबारे गाविसमा रहेको १६.१ मीटर अग्लो सो लाली गुराँसलाई गिनिज बुकले विश्वको सबैभन्दा अग्लो गुराँसको रूपमा अङ्कित गरेको छ । खानेकुरा वा अरु केही चीज अड्किएको बेलामा लालि गुराँस खाँदा अड्किएको चीज निस्कन्छ । त्यसैले पनि यसलाई औषधि मानिन्छ । विश्वमा गुराँसका ३२ प्रजातिहरू पाइन्छन् । यसमध्ये नेपालको तेह्रथुम, ताप्लेजुङ र संखुवासभाको संगम स्थलमा रहेको तीनजुरे/मिल्के/जल्जले क्षेत्रमा २८ प्राजातिका गुराँस पाईन्छ ।

खोटाङको नुनथलामा फुलेको गुराँस । तस्विर चिसाङ शेर्पा

२०७५ फागुन १३ गते बिहान ८ : १७ मा प्रकाशित