समायोजन खबर काठमाण्डौ,
सुचना सञ्चार तथा प्रविधिमन्त्री गोकुल बास्कोटाले सरकारले राम्रा कामहरु गरिरहेको भए पनि केही काम गर्न नसकेको भन्ने भ्रम फैलाउने काम भएको भन्दै गुनासो गर्नुभएको छ । नेपाल पत्रकार महासंघ रुपन्देहीको साधारणसभामा मन्त्री बास्कोटाले मिडियाले सरकारका राम्रा कामहरु बारे नलेखेको गुनासो पनि गर्नुभयो ।

मिडियाले पनि राम्रा काम देखाउँदैनन् खाली नकारात्मक काम मात्रै देखाउँछन् मन्त्री बास्कोटाले भन्नुभयो तर सरकार हल्लाको पछि नलागी आफ्नो गतिमा अघि बढेको छ । दुई तिहाई बहुमतको सरकारका कामबाट असन्तोष हुने अवस्था नरहेको भन्दै मन्त्री बास्कोटाले लोकतान्त्रिक प्रणालीमा सरकारले ड्याम, ड्याम काम गर्न भने नसक्ने बताउनुभयो । प्रमुख प्रतिपक्षी दल कांग्रेसलाई इंगितगर्दै उहाँले कम्युनिस्ट नामसँग नतर्सिन आग्रह गर्नुभयो । मन्त्री बास्कोटाले लोकतन्त्र कसैको निजि सम्पति नरहेको बताउनुभयो । सत्ता गुमेको पीडामा लोकतन्त्र माथि खतरा भएको, प्रेस स्वतन्त्रता हनन गर्न लागेको जस्ता अनेक हल्ला चलाइएको मन्त्री बास्कोटाको भनाइ थियो ।
२०७५ माघ २८ गते साँझ ७  : ३८ मा प्रकाशित