समायोजन खबर भोजपुर,
भोजपुरका एक भूकम्प प्रभावितले अनुदान रकम फिर्ता गरेका छन् । ५० हजारले घरको जगसम्म उठाउन नपुग्ने तथा पारिवारिक समस्या रहेको भन्दै षडानन्द नगरपालिका वडा नम्बर १३ वोयाका यदु कुमार श्रेष्ठले भूकम्पबाट क्षतिग्रस्त घर पुननिमार्णको लागि लिएको अनुदान बापतको रकम फिर्ता गर्नुभएको हो । श्रेष्ठले जिल्ला आयोजना कार्यान्वयन इकाई अनुदान व्यवस्थापन तथा स्थानीय पूर्वाधारको कार्यालय भोजपुर मार्फत् राष्ट्रिय पुर्ननिमार्ण प्राधिकरणलाई अनुदान फिर्ता गर्नुभएको हो ।

लाभग्राहि श्रेष्ठले घर बनाउन नसक्ने भनेर कार्यालयमा निवेदन दिएपछि फिर्ता गरिएको रकम प्राधिकरणको राजस्व खातामा जम्मा गरिएको जिल्ला आयोजना कार्यान्वयन इकाइ अनुदान व्यवस्थापन तथा स्थानीय पूर्वाधार कार्यालय भोजपुरका प्रमुख राजन राज रेडिले जानकारी दिनुभयो ।
२०७५ पुस ११ गते बिहान ९ : २३ मा प्रकाशित