काठमाडौ‌ :- नेपालका लागि भारतीय राजदुत रन्जित रे आफनो कार्यकाल पुरा गरी स्वदेश फर्कदै छन । स्वदेश फर्कने क्रममा राजदुत रेले आज प्रधानमन्त्री पुष्पकमल दाहाल प्रचण्डलाई भेटघाट गरेका छन् ।

कार्यकाल पूरा गरी दिल्ली फर्किन लागेका रेले मंगलबार विहान प्रधानमन्त्री निवास वालुवाटारमा पुगी प्रधानमन्त्री दाहालसंग अन्तिम विदाइ भेट गरेका हुन् । भेटका क्रममा प्रधानमन्त्रीले राजदूत रेको कार्यकाल प्रभावकारी र सन्तुलित रहेको प्रतिक्रिया दिए। उनले नेपाल र भारतबीचको सम्बन्ध थप गाढा र घनिष्ठ बन्ने विश्वास व्यक्त गरे।

प्रधानमन्त्रीले रेको कार्यकालमा नेपालमा सञ्चालित विकास आयोजनाहरूले तीब्रता पाएको, द्विदेशीय अनुगमन संयन्त्रको कार्यसम्पादन प्रभावकारी भएको र दुई देशबीच उच्चस्तरीय भ्रमण भएको भन्दै आगामी दिनमा यसले निरन्तरता पाउने विश्वास व्यक्त गरे। भेटमा राजदूत रेले आफ्नो कार्यकालमा नेपाल सरकार र नेपाली जनताबाट सहयोग पाएकोमा खुसी व्यक्त गर्दै धन्यवाद दिए।