समायोजन खबर खोटाङ, २४ घण्टामा देशभर ९ हजार २४७ जनालाई कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार २१ हजार ६५३ जनाको पिसिआर र ४३४ जनाको एन्टीजेन परीक्षणमा ९ हजार २४७ जनालाई संक्रमण पुष्टि भएको छ।

पिसिआर विधिबाट ९ हजार १९८ र एन्टीजेन विधिबाट ४९ जना संक्रमित पुष्टि भएका हुन्। योसँगै नेपालमा सक्रिय संक्रमितको संख्या एक लाख १३ हजार ४८० पुगेको छ।

पछिल्लो २४ घण्टामा थप २१४ जना संक्रमितको मृत्यु भएको मन्त्रालयले जनाएको छ। योसगै हालसम्म नेपालमा ५ हजार २१५ जना संक्रमितको मृत्यु भएको छ।

आज देशभर ५ हजार ७६७ जना कोरोना संक्रमणमुक्त भएका छन्। देशभर ७०८ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ।