समायोजन खबर काठमाण्डौ,
दार्चुलामा ११ जनाको मृत्यु हुनेगरी भएको जीप दुर्घटनाप्रति प्रधानमन्त्री केपी शर्मा ओलीले दुःख व्यक्त गर्दै मृतकप्रति श्रद्धाञ्जली व्यक्त गर्नुभएको छ । उहाँले पीडित परिवारजनमा गहिरो समवेदना पनि प्रकट गर्नुभएको छ । सामाजिक सञ्जाला ट्विट गर्दै प्रधानमन्त्री ओलीले दुर्घटनाका एक मात्र घाइते जीप चालकको स्वास्थ्य लाभको कामना गर्नुभएको छ । गएराति दार्चुलाको राताकाठामा भएको जीप दुर्घटनामा ७ महिला, ३ पुरुष र १ बालिका गरि ११ जनाको मृत्यु भएको थियो ।

यसैविचपूर्व प्रधानमन्त्री तथा नेकपाका नेता पुष्पकमल दाहाल प्रचण्डले पनि उक्त घटनामा ज्यान गुमाएका प्रति श्रद्धाञ्जली व्यक्त गर्नुभएको छ । प्रचण्डद्वारा आज जारी गरिएको विज्ञप्तिमा दुर्घटनामा परी निधन भएकाका परिवारजनलाई उचित क्षतिपूर्तिको माग गर्दै नेपालका पहाडी भू–भागमा भइरहेका यसप्रकारका सडक दुर्घटना न्यूनिकरण गर्न सम्बन्धित सबैमा पनि प्रचण्डले आग्रह गर्नुभएको छ ।
२०७५ फागुन १८ गते साँझ ७ :३७ मा प्रकाशित