समायोजन खबर काठमाण्डौ,
सरकारी चिकित्सकहरूले सामूहिक राजीनामा दिने चेतावनी दिएका छन् । कर्मचारी समायोजनको विरोध गर्दै उनीहरूले राजीनामा दिने चेतावनी दिएका हुन् । सरकारी चिकित्सक सङ्घ (गोदान) ले आज पत्रकार सम्मेलन गर्दै सरकारी चिकित्सकहरूको समायोजन प्रक्रिया नै गैरकानुनी रहेको भन्दै त्यसविरुद्धका आन्दोलनका कार्यक्रम अघि सारेको हो ।

पत्रकार सम्मेलनमा गोदानका अध्यक्ष डा. दीपेन्द्र पाण्डेले ११औँ तहसम्मका चिकित्सकलाई प्रदेश र गाउँपालिकामा नै खुम्चाउने र सरुवा, बढुवा नगर्ने नियतले समायोजन गर्न खोजिएको बताउनुभयो । स्वास्थ्य मन्त्रालयले गत पुस २९ गते चिकित्सकहरुसँग गरेको सम्झौतामा सबै चिकित्सकलाई केन्द्र अन्तर्गत राख्ने र मन्त्रालयले आवश्यकता अनुसार विभिन्न ठाउँमा खटाउने उल्लेख छ । तर, सम्झौता कार्यान्वयन नभएको भन्दै सरकारी चिकित्सकहरु फेरि आन्दोलित भएका हुन् ।
२०७५ फागुन ५ गते साँझ ६ : २० मा प्रकाशित