समायोजन खबर काठमाण्डौ,
सरकारले आगामी फागुन ३ गतेभित्रमा कर्मचारी समायोजनको काम सक्ने गरी तयारी अघि बढाएको छ । पहिलो चरणमा सङ्घअन्तर्गत रहेका सेवा समूहको समायोजन सकेर मन्त्रालयले तीनै तहमा रहेका कार्यालयमा कर्मचारीलाई समायोजन गर्ने तयारी गरेको सङ्घीय मामिला तथा सामान्य प्रशासन मन्त्रालयका प्रवक्ता सुरेश अधिकारीले जानकारी दिनुभयो ।

प्रवक्ता अधिकारीले उपसचिवदेखि तल्लो तहका कर्मचारीलाई सङ्घ, प्रदेश र स्थानीय तहमा समायोजन गर्नका लागि कर्मचारीको विवरण अद्यावधिक गर्ने काम भइरहेको जानकारी दिनुभयो । सचिवको समायोजन सकेर सहसचिवको समयोजन गर्ने तयारी सरकारको छ । सङ्घमा ४७ हजार ९ सय २०, प्रदेशमा २२ हजार ७ सय ५५ र स्थानीय तहमा ६७ हजार ५ सय ३ कर्मचारी समायोजन हुनेछन् । सरकारले जारी गरेको कर्मचारी समायोजन अध्यादेशलाई प्रतिनिधिसभाबाट गत पुस १७ र राष्ट्रियसभाबाट पुस २० गते पारित गरिएको थियो ।
२०७५ माघ १४ गते साँझ ५ : ५३मा प्रकाशित