समायोजन खबर खोटाङ
युवा तथा खेलकुद मन्त्रालयले २० हजार युवाहलाई स्वरोजगार तथा उद्यमशिल बनाउनको लागि सहुलित ऋण दिने भएको छ । मन्त्रालय अन्तर्गतको राष्ट्रिय युवा परिषद्ले युवा तथा साना व्यवसायी स्वरोजगार कोषबाट २० हजार युवाहरुलाई सहुलित ऋण दिने तयारी गरेको हो ।

चालु आर्थिक वर्षमा युवाहरूलाई उद्यमशील र स्वारोजगार बनाउनको लागि सामूहिक र व्यक्तिगत ऋण दिने तयारी भइरहेको युवा तथा खेलकुद मन्त्रालयका उपसचिव तथा सूचना अधिकारी महेन्द्र पौडेलले जानकारी दिए । ७ वटा प्रदेशहरूमा सम्पर्क कार्यालय बन्न सकेमा एक लाख युवाहरुलाई स्वरोजगार बनाउने कार्ययोजना पनि सरकारले बनाईरहेको उपसचिव पौडेलको भनाइ छ ।
२०७५ असोज ३० विहान ९ :२४ मा प्रकाशित