८ सेप्टेम्बर,काठमान्डाै

तामाङ पत्रकार संघ चितवनको विशेष बैठकले ४ जना सदस्य मनोनित गरेको छ । संघको दोस्रो अधिवेशनबाट ९ सदस्यीय कार्यसमिति निर्वाचित भएकोमा हाल ४ सदस्य मनोनित गरी १३ सदस्यीय कार्यसमिति बनाइएको संघका अध्यक्ष ज्ञानेन्द्र तामाङले जानकारी दिए ।

मनोनित हुनेहरुमा प्रतिमा तामाङ, बालिका तामाङ, सुस्मिता तामाङ र लक्ष्मण तामाङ रहेका छन् । उनीहरू जिल्लाका विभिन्न रेडियो तथा अनलाइन सञ्चारमाध्यममा आबद्ध छन् ।

जिल्लामा आम सञ्चार र पत्रकारिताको क्षेत्रमा लामो समयदेखि सक्रिय रुपमा लागिरहेकाले उनीहरुलाई संघको कार्यसमितिमा मनोनित गरिएको संघका निवर्तमान अध्यक्ष तथा संघीय सदस्य उर्गेन तामाङले जानकारी दिए।

सदस्य थपिएसँगै संघ अझै मजबुत भएको र पत्रकारिताको माध्यमबाट समुदायको विभिन्न गतिविधिहरुलाई सम्प्रेषण गर्न सहज हुने संघका उपाध्यक्ष बबिलाल तामाङको भनाई छ । संघले समाज र समुदायको विकासका लागि फरक फरक समयमा विभिन्न कार्यक्रमहरू गर्दै आएको छ ।