चिसाङ शेर्पा चैत्र/७ खोटाङ,
काठमाण्डौ नार्गजुन नगरपालिका–४ स्यम्भुका २२ बर्षिय सुर्यादा मगर ‘मेरो खुशी’ नामक गीति एल्बम लिएर बजारमा आउने भएका छन् । बाल्यकालबाटै नेपाली गीत संगीतमा औधि रुचि राख्ने मगरले नयाँ बर्षको आसपासमा एल्बम निकाल्ने भएकी हुन् ।

२०७१ सालमा प्रबेशिका परिक्षा उतिर्ण पछाडी गीतसंगीतमा लागेकी उनी विभिन्न संगीत बिद्धालयमा संगीत कक्षा लिदै करीब तीनबर्ष पछाडी एल्बम निकाल्ने होडमा लागेकी हुन् । गायक बिकास संगम राईको रचनामा ‘माया देउ मलाई’ र शोप्रेमको ‘मुटुभित्र तिम्रो तस्बिर, जुनपनी हैन भन्ने’ तीन गित समेटर एल्बम निकाल्ने भएकी हुन् ।

निकट भविष्यमा सबै खाले नेपाली गीतसंगीतलाई गाउने क्षमताको बिकास गर्दै गरेकी सुर्यादा कुशल गायिका बन्ने सपनामा छन् । आफ्नो परिवार नै गीतसंगीतमा लाग्नुको मुख्य श्रोत तथा प्रेरणा बताउने सुर्यादालाई ‘मेरो खुशी’मा खोटाङका युवा गायक बिकास संगम राईले साथ दिएका छन् । साजन राई र शोप्रेमले संगीत संयोजन गर्ने भएका छन् । एल्बममा पप बिधाका गीत रहने सुर्यादाको भनाई छ । उनका अनुसार जीबनको पहिलो कामलाई दर्शक तथा श्रोताले मन पराउने छन् ।

दिपचण्डी संगीत बिद्यालय बालाजुबाट औपचारिक संगीत कक्षा शुरु गरेकी सुर्यादाले सुरसुधा संगीत बिद्धालय बालजुमै हाल संगीत कक्षा लिईरहेकी छन् ।