२२ फागुन,काठमाडौं । तमू ह्युला छोंज धिँ गुरुङ राष्ट्रिय परिषदको संस्थागत विकासका लागि तमू ट्यो ह्युल हङकङले आर्थिक सहयोग गरेको छ ।

परिषदका अध्यक्ष रेशम गुरुङलाई हङकङबाट आउनुभएका ह्युलका अध्यक्ष विजय गुरुङले गत (शुक्रबार) एक लाख ५ हजार रुपैयाँ हस्तान्तरण गर्नुभयो ।

विदेशमा रहे पनि आफ्नो मन सधै स्वदेशमा रहने भन्दै विजय गुरुङले संस्थाको तर्फबाट सहयोग गरेको बताउनुभयो ।

सहयोगका लागि धन्यवाद दिँदै परिषदका अध्यक्ष रेशम गुरुङले विदेशमा रहेका तमू संस्थाहरुको सहयोगी भावनाले नेपालमा रहेका संस्थाहरुको विकासमा महत्वपूर्ण योगदान पुगेको बताउनुभयो ।

रकम हस्तान्तरण कार्यक्रममा परिषदका महासचिव सूर्य गुरुङ, तमू (गुरुङ) सञ्चारकर्मी संघका कोषाध्यक्ष लाला गुरुङ लगायतको उपस्थिति थियो ।