कार्तिक शुक्ल एकादशीदेखि हालसम्म ५ हजार भन्दा बढी भक्तजनहरु देवीको दर्शनका लागी आएका व्यबस्थापन समितीले जनाएको छ । विगत बर्षहरुको तुलनामा यस बर्ष भक्तजनहरुको आगमन समेत बढेको मगरले बताउनुभयो ।
सल्लेरीबाट सिधै तामाखानीसम्म यातायातका साधन जान आउन थालेपछि विगतको भन्दा दोव्बर आन्तरीक पर्यटक बढेको मन्दिर व्यबस्थापन समितीले जनाएको छ मन्दिरमा रुद्रीपाठ गर्ने, लाख बत्ती बाल्ने तथा आफ्नो मनोकांक्षा पुरा भएकाहरुले देवीको नाममा गरगहना चढाउने गरेका छन् । मन्दिरमा दिनहु जसो टाढा टाढाका भक्तजनहरु पुग्ने गरेका पुजारी विक्रम बहादुर राजभण्डारीले बताउनुभयो ।
मन्दिरमा सोलुखुम्बुको विभिन्न गाउँपालिका साथै छिमेकी जिल्लाहरु ओखलढुङा, खोटाङ, रामेछाप, उदयपुर, ताप्लेजुङ लगायतका नेपालका विभिन्न क्षत्रबाट दर्शनार्थीहरु पुग्ने गरेका छन् । दर्शनका लागि आउने भक्तजनले मन्दिरको प्रचारप्रसारमा ध्यानदिनुपर्ने सुझाव दिएका छन् । – solufm
