आश्विन २१, २०७४-दुई साता अघि बिक्री सुरु भएको आइफोन एट प्लसमा व्याट्री फूल्ने समस्या देखिएको रिपोर्ट सार्वजनिक भएको छ । जापान, ताइवान, ग्रीस, क्यानडा र चीनमा बिक्री भएको केही आइफोन एट प्लसको व्याट्री फूल्ने समस्या देखिएको हो ।

प्रयोगकर्ताले व्याट्री फूल्ने समस्या देखिएपछि सामाजिक सञ्जालमा फोटो सार्वजनिक गरेपछि यी जानकारीहरु बाहिर आएका हुन् ।

एक चिनियाँ प्रयोगकर्ताले सार्वजनिक गरेको फोटोमा आइफोन एटको व्याट्री फुलेर आइफोन ‘केस’ नै माथि उठेको देखिएको छ ।

गत वर्ष सेप्टेम्बरमै सामसङलदे आफ्नो ग्यालेक्सी नोट सेभेनको व्याट्री पड्किन थालेपछि बिक्री भएका सबै सेट फिर्ता लिएको थियो ।

लगत्तै सामसङले आफ्नो डिजाइनमा त्रुटी भएको नश्किर्ष निकाल्दै पछिल्ला फोनहरुमा लामो परीक्षणपछि मात्रै व्याट्री प्रयोग गर्ने नियम लागू गरेको थियो ।

एप्पलले सेप्टेम्बरको दोस्रो साता आइफोन एट, एट प्लससहित आइफोन सार्वजनिक गरेको थियो । कम्पनीले आइफोन एट र एट प्लस सेम्टेम्बर २२ देखि बिक्री सुरु गरेको हो ।