आईफोन 8, 8-प्लस र एक्स सार्वजनिक ! फिचर के-के ? मूल्य कति ?

भदौ २८ (काठमाडौँ | एप्पलले एकै साथ ३ वटा नयाँ मोडलका स्मार्टफोन सार्वजनिक गरेको छ । मंगलवार राति क्यालीफोर्नियाको कूपर्टिनो स्थित एप्पलको हेडक्वार्टरमा एप्पलको मेगा इभेन्टमा नयाँ आईफोन 8 र 8 Plus को साथै स्पेशल एनिभर्सरी एडिशन अन्तर्गत iPhone-X लन्च भएको हो । आइफोन-x मा अघिल्ला सिरिजमा भन्दा धेरै नयाँ फिचरहरु समावेश गरिएका छन् ।

६९९ डलरको वेसिक मूल्यबाट सुरु हुने iPhone 8 सबैभन्दा अत्याधुनिक फीचर्ससहितको स्माटफोन हो । अनुहारबाट अनलक हुने सिस्टममा 64GB को स्पेसल अडिसन iPhoneX को मूल्य ९९९ डलरबाट सुरु हुनेछ । यसको साथै थर्ड सीरीजको नयाँ एप्पल वाच र एप्पल 4K टीभी पनि लन्च भएको छ । सीईओ टिम कुकले ट्वीट गर्दै यस इभेन्टलाई एप्पलकै हालसम्मको बिग-डे बताएका छन् । आईफोनको 10th बार्षिक उत्सवको अवसरमा पहिलो पटक एकैसाथ तीन नयाँ iPhone लन्च भएको छ । एप्पल प्रमुख कार्यकारी टीम कुकले गएराती एप्पल मुख्यालयमा आयोजित बिशेष कार्यक्रममा यी तीनवटै मोडल सार्वजनिक गरेका हुन् ।

यसपटक एप्पलले नत आईप्याड लन्च गर्यो नत अन्य कुनै म्याकबुक अपग्रेड गर्यो, उसले पुरा फोकस iPhone-X मा लगाएको देखिएको छ । मंगलवार लन्च भएको सबै प्रडक्ट्समा प्रयोगकर्ताहरुलाई धेरै सुबिधा दिने प्रयास गरिएको छ । iPhone X ले फेस आईडी रिकग्निशन यानेकि यूजरको अनुहारलाई नै पासवर्ड बनाउने सिस्टमलाई सफल बनाउन एप्पलले आफ्ना १५ हजार इन्जीनियर्सको साथमा आफ्नो पुरा तागत लगाएको थियो । के दावी गरिएको छ भने iPhone-X अब प्रयोगकर्ताको स्वीकृतिबिना १० लाख मानिसको अनुहारले पनि अनलक गर्न सक्दैन ।

फोनमा वायरलेस चार्जिंगले संसारमा तार लगाएर चार्ज गर्ने झंजटलाई अन्त्य समेत गरेको छ । Qi चार्जिंग कन्सेप्टको साथै वायरलेस चार्जिंगलाई एयरपावर नाम दिईएको छ जो अबको तीन न महीमा विश्वभरका प्रयोगकर्ताले उपभोग गर्न सक्नेछन् ।

त्यस्तै एप्पलले नयाँ 4K TV मार्फत एक्सपीरियन्सलाई पनि सुपर रिच बनाउने कोशिस गरेको छ । यसमा एचडीको ४ गुणा राम्रो पिक्सल, प्रोसेसर पहिले भन्दा दोब्बर बनाएको छ । यसमा एकैपटकमा ८ जनासम्मले एक साथ गेम खेल्न सक्छन साथै हालसम्मकै उच्च क्वालिटीको भिडियो हेर्न सकिन्छ । यसको लागि Netflicks र अमेजनलाई कन्टेन्ट पार्टनर बनाउनु ठूलो कदम मानिएको छ ।

आइफोन-X का मुख्य फिचरहरु:-

– ५.८ इन्चको सुपर रेटिना डिस्प्लेयुक्त (अहिलेसम्मकै उत्कृष्ट पिक्चर डेन्सीटी)

– अनुहार चिन्ने प्रबिधि- फेस आइडी (आफ्नो फोन खोल्न तपाइले अनुहार देखाउनुपर्ने)

– पछाडीपट्टि दुईवटा १२ मेगापिक्सेलका क्यामेरा

– वायरलेस चार्जिङ (३० मिनेटमा ५० प्रतिशत चार्ज हुने)

– आइफोन ७ भन्दा दूई घण्टा बढी ब्याट्री लाइफ

– ६४ जीवी र २५६ जीवी गरी दुई स्टोरेज क्षमता

– (कलर) ग्रे र सिल्भर

आइफोन ८ र ८ प्लसका मुख्य फिचरहरु:-

– आइफोन ८ को साइज ४.७ इन्च र आइफोन ८ प्लसको साइज ५.५ इन्च

– रेटिना एचडी डिस्प्ले

– सवैभन्दा आधुनिक ए-११ चिप (यो चिप ए-१० भन्दा ७० प्रतिशत तिब्र)

– आइफोन ८ मा एउटा १२ मेगापिक्सेलको क्यामेरा प्रयोग गरिएको छ भने ८ प्लसमा दुइवटा क्यामेरा प्रयोग भएका छन् ।

– वायरलेस चार्जिङ

– उपलब्ध फोनका (कलर) हरु – सिल्भर, स्पेश ग्रे र गोल्ड

मूल्य कति पर्छ ?

(नयाँ प्रोडक्टको अमेरिकामा पर्ने मूल्यलाई आधार मानि मूल्यबारे जानकारी दिइएको छ, जुन मूल्य यहाँ उल्लेख गरिएको छ, त्यसमा नेपाली बजारके केहि घटी वा बढी मूल्य हुनसक्छ)