२०७३-चैत्र-९गते बुधवार

बरिष्ठ पत्रकार टंक उप्रेतीले पत्रकारिता तथा आमसंचार विषयमा विद्यावारिधि (पिएच.डी.) उपाधि प्राप्त गर्नु भएको छ । मिडिया एण्ड एथ्निसिटीः रिप्रेजेन्टेसन अफ माइनोरिटिज इन नेपाली टेलिभिजन न्यूज शीर्षकमा उहाँले गर्नुभएको अनुसन्धानका लागि त्रिभुवन विश्वविद्यालयले उहाँलाई यो उपाधि प्रदान गरेको हो ।

झापाको शनिश्चरेमा जन्मनु भई शनिश्चरे मा.वि.बाट २०४४ मा प्रवेशिका पास गर्नुभएका उप्रेतीले यसअघि लण्डनबाट आमसंचार र त्रि.वि.बाट अर्थशास्त्रमा मास्टर्स तहको अध्ययन पुरा गर्नु भएको थियो ।
उप्रेती नेपालीसंचारको प्राज्ञिक र व्यवसायिक दुवै क्षेत्रमा सक्रिय रहदै आउनु भएको छ । नेपाल टेलिभिजनको कार्यकारी निर्माताका रुपमा कार्यरत उप्रेतीका संचार अनुसन्धान, नेपाली टेलिभिजनः विकास र वहस लगायतका किताब पनि प्रकाशित छन् ।