खोटाङ समायोजन खबर,

धनकुटाको भेडेटार नजिक एक होटलमा होटल मजदुरबीच भएको झगडामा एक यूवाको ज्यान गएको छ । साँगुरीगढी गाउँपालिका ६ मा रहेको होटल माउण्ट एभरेष्टमा कार्यरत २ कर्मचारी बीच झगडा हुंदा सोहि गाउँपालिका वडा नं ६ का बर्ष १८ का सुरज राईको मृत्यु भएको हो ।

कामदार मात्र भएको अबस्थामा आपसी बिवाद हुंदा सुनसरी चकरघटीका १९ बर्ष का निशान लिम्बुले गरेको धारिलो हतियारको प्रहारबाट राईको मृत्यु भएको भेडेटार प्रहरीले जनाएको छ । टाउकोमा गम्भिर चोट लागेका राईको घटना स्थलमा नै मृत्यु भएको भेडेटार प्रहरीका
प्रहरी नायव निरीक्षक मेम बहादुर बस्नेतले जानकारी दिनुभयो । बिहिबार बिहान करिव ९ बजे तिर भएको उक्त घटनामा पछि राईको सनाखत भईरहेको र दोषी लिम्बुलाई अनुसन्धानका लागि नियन्त्रणमा लिईएको प्रहरीले जनाएको छ ।

२०७५ साउन १० गते साँझ ६ : ३५ बजे प्रकाशित