टोकियो– ३० बर्षिय एक जापानी युवतीलाई यौनजन्य अपराध गरेको अभियोगमा जापान प्रहरीले एक नेपाली युवालाई पक्राउ गरेको छ । पक्राउ पर्नेमा जापानमै सेन्मोन स्कुल पढ्दै गरेका अनुज देवकोटा रहेको खबर टिभी आसाही लगायतका जापानी संचारमाध्यमहरुले प्रकाशन गरेका छन् ।

गत नोवेम्बर २५ तारिक राती टोकियोको सुगिनामी कु स्थित नारिता हिगासी क्षेत्रमा उक्त महिलालाईको छातीमा जर्बजस्ति समातेर चुम्बनको प्रयास गरेको समाचारमा उल्लेख छ । जापानी युवतीको आरोप अनुसार पछाडिबाट जर्वजस्ती छातीमा हात पुर्याइ चुम्बन प्रयास गर्दा उनको छाती र चिउँडोमा समेत चोट समेत लागेको थियो ।

नजिकै रहेको डिपार्टमेन्ट स्टोरको सिसीटिभी क्यामेरामा कैद भएको भिडियो अनुसार आरोपी युवाले युवतीको पिछा गरेको देखिएको जनाइएको छ । यौन अपराधको आरोप लागेका २६ वर्षिय देवकोटाले उक्त युवतीलाई आफुले बोलाएको भए पनि अन्य केही नगरेको दाबी गर्दै आरोप अस्विकार गरेका छन् ।

घटनाको विषयमा थप छानविन भैरहेको बताइएको छ ।

@beingnp