समायोजन खबर खोटाङ,

अहिले पहाडी क्षेत्रमा आज हल्का पानी पारिरहेको छ । मौसमविद् राजु प्रधानांगले अहिले पनि पहाडी केही क्षेत्रमा हल्का पानी परिरहेको बताउनुभयो । पश्चिमी न्यून चापीय प्रणाली र स्थानिय वायूको प्रभावका कारण पहाडी क्षेत्रको मौसम बद्ली भइ केही ठाउँमा पानी  परिरहेको जानकारी दिनुभयो ।

यो वायुको प्रभावका कारण अबको केही दिनको मौसम यस्तै  रहने पूर्वानुमान गरिएको छ । अहिले देशभरको मौसम आंशिक बद्ली भएको छ । राति पनि मौसक बद्ली नै रही केही ठाउँमा हल्का पानी पर्ने मौसमविद् प्रधानांगले बताउनुभयो ।

यस्तै, भोलि भने देशका धेरै ठाउँको मौसम बद्ली भइ मध्य तथा पूर्वी र पश्चिमी पहाडी क्षेत्रमा मेघ गर्जनसहित पानी पर्ने अनुमान छ । अब चट्याङको सम्भावना रहेकाले सतर्कता अपनाउन पनि मौसमविद्ले सुझाव दिएका छन् । यसैविच, अहिले खोटाङको अधिकांश क्षेत्रमा मेघ गर्जनसहित पानी परिरहेको छ ।

२०७६ फागुन ११ गते साँझ ६ :३० मा प्रकाशित