योगिन राई काठमाण्डौ,
फागुनको ९ बाट प्रदर्शनमा आउने फिल्म आमाको पहिलो गीत सार्वजनिक गरिएको छ । मनको मैलो देखि मन्दिरसम्म बोलको गीतमा केतन क्षेत्रीको स्वर भुपेन्द्र खडकाको शब्द तथा सुवास भुसालको संगीत रहेको छ । भाबुक शैलिमा तयार भएको गीतमा फिल्मका मुख्य कलाकारहरु फिचर्ड छन ।

दिपेन्द्र के खनालको लेखन तथा निर्देशनमा बनेको फिल्ममा सुरक्षा पन्त, मिथिला शर्मा, सरिता गिरी, देशभक्त खनाल लगायतको अभिनय छ । आमा र छोरीको भावनात्मक सम्बन्धको कथामा बनेको फिल्मको सार्वजनिक ट्रेलरले दर्शकहरुबाट सकारात्मक प्रतिक्रिया बटुलिसकेको छ । डि एस डिजिटलको ब्यानरमा बनेको फिल्मको निर्माता शर्मिला पाण्डे, सह निर्मातामा सन्तोष अधिकारी र फिल्मको छायाँकन निर्देशक खनालकै छ ।
२०७६ माघ १६ गते साँझ ६ :०१ मा प्रकाशित