समायोजन खबर काठमाण्डौ,
जापानका राजा अकिहितोले आफ्नो राजगद्दी परित्याग गर्नुभएको छ । जापानको राजधानी टोकियोमा आज आयोजित एक ऐतिहासिक समारोहमा राजा अकिहितोले राजाको रुपम अन्तिम पटक सम्बोधन गर्दै राजगद्दी छोडेको घोषणा गर्नुभयो । जापानको २ सय वर्षको शाही इतिहासमा राजगद्दी छोडने उहाँ पहिलो राजा पनि बन्नुभएको छ ।

८५ वर्षका राजा अकिहितोले आफ्नो राजा पद छोड्नका लागि कानून बनाएर अनुमति लिनुभएको थियो । बढ्दो उमेर र खस्किदो स्वास्थ्यलाई ध्यानमा राख्दै उहाँले राजाको पद त्यागेर आफ्नो छोरा युवराज नारोहितोलाई जिम्मेवारी दिनुभएको छ । युवराज नारोहितोले भोली एक समारोहकाबीच राजाको जिम्मेवारी लिनुहुनेछ ।
२०७६ बैशाख १७ गते साँझ ६ :२२ मा प्रकाशित