समायोजन खबर काठमाण्डौ,
नाइजेरियाको राष्ट्रपति मोहम्मद बुहारी दोस्रो कार्यकालका लागि निर्वाचित हुनु भएको छ । गत शनिबार भएको निर्वाचनबाट राष्ट्रपति बुहारी चार वर्षे दोस्रो कार्यकालका लागि पुनःनिर्वाचित हुनु भएको हो । ७६ वर्षका बुहारीले पूर्व उपराष्ट्रपति अटिकु अबुबाकरलाई पराजित गर्नुभएको हो ।

अबुबाकरको पिपुल्स डेमोक्रेटिक पार्टीले भने निर्वाचन परिणामलाई अस्वीकार गरेको छ । हिंसा फैलाएर निर्वाचन गराइएको र मतगणनामा समेत ढिलाइ गरिएकोले निर्वाचन निष्पक्ष नभएको भन्दै विपक्षीदलले परिणाम अस्वीकार गरेको हो ।

२०७५ फागुन १५ गते अपरान्ह २ : १० मा प्रकाशित