समायोजन खबर काठमाण्डौ,
सरकारले किसानलाई पनि परिचय पत्र वितरण गर्ने योजना अघि सारेको छ । राष्ट्रिय सभाको बैठकमा सांसदको प्रश्नको जवाफका क्रममा कृषि तथा पशुपंक्षी विकास मन्त्री चक्रपाणी खनालले आगामी आर्थिक वर्षबाट परिचय पत्र वितरण गर्ने योजना तय गरिएको जानकारी दिनुभएको हो ।

कृषि मन्त्री खनालले कृषकका नाममा गैर कृषकले सेवा सुविधा लिइरहेकाले यस्तो गर्न लागिएको बताउनुभयो । यसैवीच राष्ट्रियसभा बैठकले ‘निवृत्तिभरण कोष विधेयक २०७५’ पारित गरेको छ । अर्थमन्त्री डा. युवराज खतिवडाले यस सम्बन्धी प्रस्ताव पेश गर्नुभएको थियो । प्रतिनिधिसभाबाट सन्देशसहित प्राप्त विधेयकलाई सर्वसम्मतिले पारित गरेको हो ।
२०७५ फागुन १५ गते बिहान १० :४० मा प्रकाशित