योगिन राई काठमाण्डौ,
हाँस्यकलाकार तथा सामाजिक अभियान्ताको रुपमा परिचित सिताराम कट्टेल धुर्मुस र कुन्जना घिमिरे सुन्तलीले निर्माण गरेको फिल्म सेन्टी भाइरस फागुनको ९ गतेबाट देशब्यापी प्रदर्शनमा आउँदैछ । उक्त फिल्मबाट भएको कमाइको नाफाबाट ५० प्रतिशत रकम उनीहरुले नै चितवनमा निर्माण गर्दै आइरहेको गौतमबुद्ध अन्तर्राष्ट्रिय क्रिकेट रंगशालालाई सहयोग गर्ने घोषणा गरेका छन् ।

निर्माण भइरहेको रंगशालालाई बिभिन्न सँघसस्था तथा ब्यतिmहरुले समेत सहयोग गरिरहेका छन । रामबाबु गुरुङ निर्देशित यस फिल्म सेन्टी भाइरसको सार्वजनिक गीत तथा ट्रेलर चर्चामा छ । फिल्ममा धुर्मुश र सुन्तलीसँगै दयाहाङ राई, बुद्धी तामाङ, बिल्सनबिक्रम राई, राजाराम पौडेल, कमलमणि नेपाललगायत कलाकारहरुको अभिनय छ ।
२०७६ माघ १८ गते साँझ ६ :४९ मा प्रकाशित