समायोजन खबर खोटाङ, नेपाल पत्रकार महासंघ जिल्ला शाखा खोटाङले ‘द भ्वाइस अफ नेपाल’को छैटौं सिजनका फाइनलिस्ट रोशन राई(पालुवा स्टार)लाई आर्थिक सहयोग गरेको छ।

हिमालय टेलिभिजनबाट प्रसारण हुने भ्वाइसमा टीम मेलिना राईबाट फाइनलिस्ट बनेका दिप्रुङ चुइचुम्मा गाउँपालिका–७ टेम्माका रोशनलाई महासंघको पहलमा शुक्रबार ४० हजार ८७० रुपैयाँ बराबरको भोट गरिएको हो।

दिक्तेल रुपाकोट मझुवागढी नगरपालिकाले रोशनलाई एक लाख रुपैयाँको भोट गरेको जनाएको छ। रोशनलाई भ्वाइसको ट्रफी जिताउन जिल्लावासी यतिबेला एकजुट भएर लागि परेका छन्।

भ्वाइसको ग्राण्ड फिनाले आज शुक्रबार राती ८ बजेपछि हुँदैछ। फाइनलिस्टहरुलाई खल्ती एपवाट भोट गर्न सकिन्छ।

रोशनसँगै टीम उदय सोताङबाट अर्पणा आचार्य, टीम खेम सेन्चुरीबाट प्रोसेस पाण्डे र टीम राजु लामाबाट प्रमेश राई प्रतिस्पर्धा गर्दैछन्।