समायोजन खबर काठमाण्डाै,

अहिले मध्य र पूर्वको मौसम आशिंक बदली भएको छ । मौसम बदली भए पनि काठमाण्डौसहित मध्य र पश्चिममा आइतबार पानी पर्ने सम्भावना नरहेको मौसम पूर्वानुमान महाशाखाले जनाएको छ ।

तर पूर्वी पहाडी भेगको एक, दुई ठाउँमा हल्का पानी र उच्च हिमाली भेगमा हिमपातको सम्भावना रहेकाे मौसमविद् वरुण पौडेलले जानकारी दिनुभयो । आइतबार पहाडी भेगको मौसम दिनभरि नै खुल्दै–बादल लाग्ने उहाँले बताउनु भयो ।

यसैगरी,बिहानभरि हुस्सु र कुहिरो लागेको तराईको मौसम बिस्तारै खुल्ने क्रममा छ । सबैतिरको कुहिरो बिस्तारै हटे पनि आइतबार राम्रोसँग घाम नलाग्दा चिसो भने यथावत् रहने मौसमविद् पौडेलले जानकारी दिनुभयाे ।

२०७६ माघ १२ गते अपरान्ह ३ : १४ मा प्रकाशित