समायोजन खबर काठमाण्डौ,
काठमाण्डौं उपत्यका सहित देशभरको मौसममा अझै केहीदिन खराब रहने भएको छ । स्थानीय वायु र बंगालको खाडीबाट आएको हावाको प्रभावले काठमाडौं उपत्यकासहित देशभर आंशिकदेखि सामान्य बदली भई मेघ गर्जन र हावाहुरीसहित वर्षाको सम्भावना रहेको मौसम पूर्वानुमान महाशाखाले जनाएको छ ।

पूर्वमा बनेको न्यून चापीय रेखा र प्रि–मनसुन सक्रिय हुँदा बदलीसँगै वर्षा भइरहेको महाशाखाका मौसमविद् मीन कुमार श्रेष्ठले बताउनुभयो । अब केहि दिनभित्र मनसुन सक्रिय हुने भएकाले मंगलबारबाट मौसममा सुधार आएपनि फेरि बदलीको सम्भावना रहने मौसम पूर्वानुमान महाशाखाले जनाएको छ ।
२०७६ जेठ १९ गते बिहान ९ :२३ मा प्रकाशित