समायोजन खबर काठमाण्डौ,
दक्षिणी सुडानमा जातीय समूहहरूबीच भएका भिडन्तमा कम्तीमा २२ को मृत्यु भएको छ । दक्षिणी सुडानको सीमा क्षेत्रमा दुई समूहका युवाबीच झडप भएको अन्तराष्ट्रिय सञ्चारमाध्यमले जनाएका छन् । सूचना मन्त्री मिचेल मयौतले हिजो दुई जातीय समूहबीच झडप हुँदा कम्तीमा २२ जनाको ज्यान गएको पुष्टि गर्नुभएको हो ।

दक्षिणी सुडानमा पटकपटक हुने गरेका यस्ता झडपमा सयौँले ज्यान गुमाइसकेका छन् । यसअघि गत मंगलबार पनि झडप भएको थियो । जसमा एक जना सुरक्षाकर्मी मारिएका थिए भने अरु १८ जना घाइते भएका थिए । दक्षिणी सुडान जातीय झडपका कारण असान्त बनिरहेको छ ।
२०७६ जेठ १७ गते बिहान ११ :१४ मा प्रकाशित