समायोजन खबर काठमाण्डौ,
श्रीलंकाको राजधानी कोलम्बोको तीनओटा पाँचतारे होटल र दुईओटा चर्चमा भएका शृंखलाबद्ध बम विस्फोटमा मृत्यु हुनेको संख्या ३ सय ५९ पुगेको छ । गत आइतबार भएको विस्फोटमा भारतीय, अमेरिकी, बेलायती, जापानी समेतका ३७ जना विदेशी नागरिक रहेको श्रीलंकाको विदेश मन्त्रालयले जनाएको छ ।

विस्फोटबाट करिब पाँच सय जना घाइते भएका छन् । उपचार गराइरहेका घाइतेमध्ये अझै केही व्यक्तिको स्वास्थ्य अवस्था गम्भीर रहेको अस्पतालहरुले जनाएका छन् । विस्फोटको जिम्मेवारी इस्लामिक स्टेट समूह आईएसले यसअघिनै लिइसकेको छ ।
२०७६ बैशाख ११ गते राती ८ : २८ मा प्रकाशित