समायोजन खबर काठमाण्डौ,
राष्ट्रिय विद्युत प्राधिकरणले जमिनमुनी विद्युतिय तारहरु बिच्छ्याउन ढिलाई हुनुको कारण ठेक्का प्रक्रियाको कारणले भएको बताएको छ । तार बिच्छ्याउने काम केही समय अगाडि नै सुरु गरिसक्नु पर्ने भएपनी ठेक्का गर्ने प्रक्रिया लामो भएकाले तार बिच्छ्याउने काम गर्न ढिलाई भएको प्राधिकरण कार्यकारी प्रमुख कुलमान घिसिङ्गले बताउनुभयो ।

पहिलो चरणका काठमाण्डौं उपत्यकाबाट तार बिच्छ्याउने काम सुरु गर्न लागेको प्राधिकरणले केही समयपछि पर्यटकिय देशका विभिन्न पर्यटकिय स्थलमा तार बिच्छ्याउने काम सुरु गर्ने उहाँले बताउनुभयो । अबको दुई महिना भित्र तार बिच्छ्याउने काम सुरु भैसक्ने उहाँको भनाई छ । विद्युत् प्राधिकरणले गाडेको पोलमा अन्य सेवा प्रदायकले समेत जथाभावी तार तानेर शहरको सुन्दरता बिगारेको र दुर्घटनाको जोखीम बढेको भन्दै केहि समय अघि तार भुमिगत गर्ने योजना अघि सारेको थियो । तर ठेक्का प्रक्रिया लम्बिदा भने तार बिच्छ्याउने काम अलपत्रमा परेको छ ।
२०७६ बैशाख ६ गते बिहान ९ : २३ मा प्रकाशित