समायोजन खबर सल्यान
कालिकोटका पत्रकार कर्ण विश्वकर्मालाई तत्काल रिहाई गर्न अकोराव कर्णाली प्रदेशले माग गरेको छ । रेडियो नयाँ कर्णाली एफएममा कार्यरत प्राबिधिक तथा संबाददाता विश्वकर्मालाई बिहीबार रेडियोको स्टुडियोबाटै प्रहरीले पक्राउ गरेपछि सामुदायिक रेडियो प्रशारक संघ नेपाल कर्णाली प्रदेश समितीले घटनाको बिरोध गरेको हो ।

रेडियोकर्मीलाई स्टुडियो वा कार्यस्थल (कार्यकक्ष) बाटै पक्राउ गर्नु प्रेस र अभिब्यक्ति स्वतन्त्रता माथीको हस्तक्षेप भएको कर्णाली प्रदेश अध्यक्ष रमेश कुमार गौतमद्धारा हस्ताक्षरित प्रेस विज्ञप्तीमा भनिएको छ । पत्रकार बिश्वकर्मालाई पक्राउ गरेपछि त्यहाँका रेडियोहरु त्रासमा रहेको भन्दै त्रासको बाताबरण अन्त्य गर्न र पक्राउ गरेका पत्रकारलाई तत्काल रिहाई गर्न माग गरिएको छ ।
२०७५ चैत्र ९ गते साँझ ५ : ४९ मा प्रकाशित