समायोजन खबर सर्लाही
प्रत्येक पटक आफुले पाएको तलब सामाजिक काममै खर्च गर्दै आएका हरिवन नगरपालिका ११ का वडा अध्यक्ष शेख मेहबुव रेजाले आफ्नै वडाका अग्नी पिडितलाई नगद सहयोग गर्नु भएको छ । गत फाल्गुन २९ गते आगलागीका कारण घरबार विहिन भएका हरिवन नगरपालिका ११ का शेख जुबेरको परिवारलाई वडा अध्यक्ष रेजाले राज्यबाट आफुले पाउने एक महिनाको तलब २१ हजार ७ सय ८० रुपैयाँमा ३ हजार २ सय २० रुपैयाँ थप गरी २५ हजार सहयोग गर्नु भएको हो ।

वडा अध्यक्ष रेजाले जुबेर परिवारलाई आज एक कार्यक्रमका बीच १ लाख ९७ हजार २ सय २५ रुपैयाँ सहयोग गर्नुभयो । आर्थिक अवस्था कमजोर भएका अग्नी पीडित जुबेर परिवारलाई गर्जो टार्न मुस्किल भएपछि स्थानीय र छरछिमेकीले संकलन गरेको १ लाख ७२ हजार २ सय २५ रुपैयाँमा आफुले २५ हजार थप गरी कुल १ लाख ९७ हजार २ सय २५ रुपैयाँ हस्तान्तरण गरेको वडा अध्यक्षले रेजाले बताउनुभयो ।  २०७५ चैत्र ४ गते राती ८ :२९ मा प्रकाशित