समायोजन खबर काठमाण्डौ,
आज काठमाडौं उपत्यका सहित देशका पहाडी भेगमा बादल लागेको छ भने केही ठाउँमा हलुका बर्षा भएको छ । जल तथा मौसम पूर्वानुमान महाशाखाका मौसमविद् मीनकुमार अर्यालका अनुसार पश्चिमी वायुसँग स्थानीय वायु पनि मिसिदा मौसममा परिवर्तन आएको हो ।

कमजोर पश्चिमी वायुको प्रणालीमा स्थानीय वायु मिसिदा बादल देखिएको हो । यस्तो बेलामा मेघ गर्जनसहित हल्का फुल्का वर्षा हुने अर्यालले बताउनुभयो । देशभरिका पहाडी भागमा यस्तो बदली देखिएको भएपनि ठूलो पानी पर्ने सम्भावना नरहेको उहाँले बताउनुभयो । हिउँद सकिएसँगै तापक्रम बढ्न थालेको छ । मौसमबिदका अनुसार भोलीदेखि भने काठमाडौंको मौसममा सुधार हुने छ ।
२०७५ चैत्र ४ गते राती ८ :२५ मा प्रकाशित