समायोजन खबर काठमाडौं,
पाकिस्तानले बुधबार कब्जामा लिएका भारतीय पाइलट अभिनन्दन वर्धमानलाई भारत फर्काइदिएको छ । प्रधानमन्त्री इमरान खानले बिहिबार गरेको घोषणा अनुसार शुक्रबार बेलुकी उनलाई पाकिस्तानी सेनाले भारतीय सेनाको जिम्मा लगाएको हो ।

अटारी बोर्डरमा कागजी प्रक्रियाहरु पूरा गरेपछि पाकिस्तानका रेन्जरहरुले उनलाई भारतीय अधिकारीसमक्ष सुम्पिएका छन् । सुपुर्दगी उनको मेडिकल जाँच गरिएको थियो । अभिनन्दनलाई जिम्मा लिन भारतको तर्फबाट उच्चपदस्थ व्यक्ति गएनन् । सर्वसाधारणले भने उनको भव्य स्वागत गरेका छन् । उनीहरुले नाचगान र नारावाजी पनि गरेका थिए ।

पाकिस्तानी प्रधानमन्त्रीले ‘शान्तिको संकेत’ का रुपमा अभिनन्दनलाई सुपुर्दगी गर्न लागिएको बताएका थिए । उनको सुपुर्दगीसँगै भारतमा खुशी छाएको छ । पाकिस्तानी वायू सेनाले भारतीय लडाकु बिमानलाई आक्रमण गरी पाइलट अभिनन्दनलाई नियन्त्रणमा लिएको थियो । अभिनन्दा भारतीय वायू सेनाका विङ कमान्डर हुन् ।
२०७५ फागुन १८ गते बिहान ८ : ०६ मा प्रकाशित