समायोजन खबर काठमाण्डौ,
सरकारले काठमाडौं उपत्यकाभित्र पोल प्रविधिमा रहेको बिजुलीको तार भूमिगत गर्ने काम दुई महिनाभित्र सुरु गर्ने भएको छ । नेपाल विद्युत प्राधिकरणले महाराजगञ्ज र रत्नपार्क वितरण केन्द्रअन्तर्गतको विद्युतको तारलाई भूमिगत गर्ने गरी भारतीय कम्पनी केइआई इन्डस्ट्रिज लिमिटेड छनोट गरेपछि यस्तो तयारी गरेको हो ।

कम्पनीसँग सम्झौता हुने तयारी भइरहेकाले अबको दुई महिनाभित्र काम सुरु गर्ने प्राधिकरणका प्रमुख कार्यकारी अधिकृत कुलमान घिसिङले बताउनुभयो । कम्पनीले काम सुरु गरेको ३० महिनामा बिजुलीको तार भूमिगत गर्नुपर्ने छ ।
२०७५ फागुन १३ गते बिहान ९ :२१ मा प्रकाशित