समायोजन खबर काठमाण्डौ,
खाद्यान्न र इन्धनको मूल्यवृद्धिको विरोधमा सुडानको राजधानी खार्तुममा जारी प्रर्दशन थप बढ्दै गएको छ । खाद्यान्न र इन्धनको मूल्यवृद्धिको विरोध गर्दै प्रदर्शनमा उत्रिएकाहरुले राष्ट्रपतिको राजीनामा माग गरेका छन् ।

चिकित्सक, शिक्षक र इन्जिनियररुको संगठन नै प्रदर्शनमा उत्रिएपछि सुडानको यातायात सेवा ठप्प भएको छ भने यसले जनजीवन प्रभावित भएको छ । प्रदर्शनकारीले राष्ट्रपति ओमार अल–बासिरले राजीनामा नदिएसम्म आन्दोलन थप चर्काउने चेतावनी दिएका छन् । प्रदर्शनकारीहरुले सुडानका अरु शहरमा पनि दिनहुँ प्रदर्शन गरिरहेका छन् । प्रदर्शनका क्रममा ४० जनाभन्दा बढीको मृत्यु भइसकेको छ ।
२०७५ माघ ११ राती ८ : ४७ मा प्रकाशित