समायोजन खबर खोटाङ,
झापास्थित शिवसताक्षी नगरपालिका–७ लालझोडामा आगलागी हुँदा एकै परिवारका चारजनाको ज्यान गएको छ । आगलागीमा परेर ३६ वर्षीय लक्ष्मण खनाल, उनकी श्रीमती ३२ वर्षीया राधिका खनाल, चार वर्षीया छोरी चन्द्रा खनाल र तीन महिनाको छोरो टिकाराम खनालको ज्यान गएको प्रहरीले जनाएको छ ।

आगलागी के कारणले भएको हो भन्नेबारे प्रहरीले अनुसन्धान भैरहेको जानकारी दिएको छ । खनाल परिवारका सम्पूर्ण सदस्य सुतिरहेको अवस्थामा सोमबार आगलागी भएको इलाका प्रहरी कार्यालय झिल्झिलेले जनाएको छ । घरमा चारै तिरबाट आगो लागिसकेको अवस्थामा गाउँलेले थाहा पाएका थिए । आगलागीको जानकारी पाएलगत्तै दमकलसहित प्रहरीको टोली पुगेर आगो नियन्त्रणमा लिएको थियो । दमकल आएर आगो निभाउँदा परिवारका सबै सदस्यको ज्यान गइसकेको थियो ।
२०७५ मंसिर १० गते बिहान ८  :४५ मा प्रकाशित