चिसाङ शेर्पा माघ/११ खोटाङ,
बारा जिल्ला निजगढ नगरपालिका ११ रतनपुरका नर बहादुर थापा उमेरले ३५ वर्ष पुगे । दुई पटक बैदेशिक रोजगारीमा मलेशिया पुगेर स्वदेश फर्किएका थापा नगरपालिकाको ११ नं. वडा रतनपुरका निर्वाचित वडा सदस्य हुन् ।

साविक गाविस रतनपुरमा नेकपा एमालेबाट वडा सदस्यका लागि टिकट पाएका थापाले स्थानिय निर्वाचनमा जित हाँसिल गरेसँगै जनप्रतिनिधि बनेका हुन् । मलेशियाको सेलेङगारस्थित बातुकेभमा रहेको ‘क्यान जो क्यान फ्याक्ट्री’ बाट आफ्नो तीनबर्षे कार्यकाल सकेर २०७३ साल असार पहिलो हप्ता स्वदेश फर्केका उनलाई पार्टीले संगठन बिस्तार र बिश्वासमा टिकट दिएको थियो ।

गएको असोज–२ गते भएको स्थानिय निर्वाचनबाट वडा सदस्य पद जितेका थापाको जन्म बारा जिल्लाको रतनपुरमा बुवा रुद्र बहादुर थापा आमा मनमाया थापाको कोखबाट २०३९ माघ २४ गते भएको थियो । घरको कान्छो छोरा थापाले त्रिभुवन माबि बिरगंञ्जबाट २०५७ सालमा प्रबेशिका परिक्षा उतिर्ण गरेका हुन् । २०६१ सालमा विवाह गरेका हुन् ।

विवाह बन्धनमा बाँधिएको केही समयपछि रतनपुरका वर्तमान वडासदस्य २०६२ सालमा रोजगारीका लागि मलेशिया गएका थिए । भनेजस्तो कमाई भएन जसोतसो ५ वर्ष बिताएर २०६७ सालमा नेपाल फकिए उनले भने, फेरी गाउँमै खेती किसानी सानातिना ठेक्कापट्टा गरेर तीनवर्ष बिताए ।

भाषा, धर्म, संस्कृती र वातावरण बुझेकाले पुन: २०७० सालमा मलेशिया पुगेका उनले त्यहाँ ‘क्यान जो क्यान फ्याक्ट्रीमा टिनपाताका विभिन्न सामग्री बन्ने काम गरे । मनग्गे कमाए । परिवारका लागि पोल्याण्ड जाने सुर बनाएर त्यहाँबाट नेपाल आए । घरमा आएपछि परिवारसँग भेटघाटसँगै एक हिसाबले उनी फेरी विदेश जाने चक्करमा रुमलिदै थिए । यता देशमा स्थानिय चुनावको रौनक बढ्दै थियो । काठमाण्डौमा पुगेर पोल्याण्डका लागि उनले एप्लाई पनि गरे । बिडम्बना उनको भिषा आएन ।

भिषा नआउनु अनि स्थानिय चुनाव संघारमा हुनु, उनी चुनाव लड्नु त्यसपछि चुनाव जित्नुले थापाको सबै बैदेशिक यात्रा बन्द भयो । उनकोे जिबनले कायापलट लियो । आठ वर्ष पराई मुलुकमा पसिना बगाएका उनले अबको ५ वर्ष आफ्नो जन्मभुमि र आफ्नो गाउँठाउँ बनाउने अवसर पाए ।

‘टिकट पाएर गाउँगाउँमा भोट माग्दै हिड्दा नै जित्छु लागेको थियो । चुनावको नतिजापछी सफल भए उनले भने, जनताले माया र आस्था राखेर जिताए अब गरेर देखाउनु छ ।’ स्थानिय चुनावपछी आफ्नो टिमले वडाभित्र तीन लाखको काम गरेको बताए । नेपाल राष्ट्रिय माविलाई ५० हजारको खानेपानीको पाईप र वडाभित्र २ लाख ५० हजारको नाली निर्माण गरेका छन् ।

लामो समय पराईको मुलुकमा रगत पसिना बगाएका ति दिनहरु संम्झदा दुख लाग्छ । अब आफ्नै ठाउँ बनाउने अबसर र चुनौती पाएको छु । थापाले भने, “यसलाई मरी मेटेर आफ्नो भुमिका निर्वाह गर्नेछु । पराईको मुलुकको दुईगुणा आफ्नो ठाउँ बनाउन अगाडी बढ्छु ।”