भदौ÷१६ खोटाङ,

नेपालमा भईरहेको सबैभन्दा ठूलो सांगितिक रियालटिी सो ‘नेपाल आईडल’का प्रर्तिस्पर्धी बुद्ध लामालाई भोट गरिदिनका लागि पोखरा, काठमाडौ उपत्यका, काभ्रे, नुवाकोट, सिन्धुपाल्चोक, खोटाङ लगायतका ठाउँमा प्रचारप्रसार तिव्र पारिएको छ । एपी वन टेलिभिजनबाट प्रसारण भईरहेको नेपाल आईडलका ४ आईडल बुद्ध लामा, सागर आले, प्रताप दास र निशान भट्टराई मध्ये बुद्ध लामालाई भोट गरिदिन सवैमा अपिल गरिएको नेकपा माओवादी काठमाडौ सम्पर्क मञ्चका सचिव तिर्थ तामाङले बताए ।

“प्रत्येक हप्ताको विहीवार राती ९ ः ४५ वजेवाट अर्को दिन आज शुक्रवार मध्यान्ह १२ वजे नेपाल आईडलका प्रर्तिस्पर्धीलाई भोट गर्न सकिन्छ । मोवाईलको म्यासेज वक्समा लामाको भोटिङ कोड ०३ टाईप गरी ३५२२५ मा सेण्ड गरेर एउटै सिमकार्डवाट ५ सयसम्म भोट गर्न सकिन्छ । विदेशवाट नेपाल आईडलको एप डाउनलोड गरी बुद्धलाई भोट गर्न सकिने तामाङले सुनाए ।”

दर्शकहरुको भोट संख्यामा नै आईडल घोषणा गरिने हुनाले बुद्धलाई सक्दो भोट गरेर नेपाल आईडल बनाईदिन दर्शकहरुसमक्ष गोरखाका अनिल मगरले अनुरोध गरे । अनेस्क वान इन्टरनेसनल क्यानडा र एभरेस्ट युथ एशोशिएसन कतारको संयुक्त आयोजनामा नेपाल आइडलको फिनाले आगामी सेप्टेम्बर २२ असोज ६ गते एशियन कृ्रकेट टाउन कतारमा हुँदैछ । त्यहाँ १५ हजार दर्शक अटने क्षमता रहेको छ ।