१६ असार,समायेाजन खबर

जापानको लागि नेपाली राजदुत भई औपचारिक कार्यकाल शुरु गरेकी प्रतिभा राणालाई नेपालि कांग्रेस निकटको प्रबास भातृ संगठन नेपाली जनसम्पर्क समिति जापानले एक कार्यक्रमको आयोजना गरी स्वागत गरेको छ ।

जनसम्पर्क समिति जापानका  सभापति डिपि कडेलको सभापतित्वमा सम्पन्न भएको कार्यक्रममा नेपाल पत्रकार महासंघ जापानका अध्यक्ष मोहन घलेलाई सम्मान गरिएको थियो । कार्यक्रममा समितिका पदाधिकारीहरु, पूर्व सभापतिहरु, समिति सम्बद्ध विभिन्न क्षेत्रीय सभापतिहरू, विभिन्न समाजका अध्यक्षहरुको उपस्थिति रहेको थियो ।

स्वागत कार्यक्रमलाई सम्बोधन गर्दै राजदूत राणाले नेपाललाई जापानमा बस्ने सबै नेपाली एकजुट भई सुनौलो नेपाल बनाउन सबैसँग हातेमालो गर्ने बताउनुभयो ।

स्वागत कार्यक्रम नेपालि कांग्रेस महासमिति सदस्य महेश श्रेष्ठले बोल्दै जापानमा राजदूत नियुक्त भएर आउनु भएकोमा स्वागत गर्दै नेपाल र नेपालीहरुका समस्याहरुमा हातेमालो गर्दै अगाडि बढ़ने विश्वास ब्यक्त गर्नु भयो ।

कार्यक्रम जनसम्पर्क समिति जापानले नेपाल र नेपालीहरुको लागि गरेका विभिन्न कामहरु बारेमा जानकारी दिदै जापानमा रहेको नेपालीहरु वीच सहकार्य गर्दै नेपालको आर्थिक विकासको लागि सबै संघ सस्थाहरु एक जुटहुदै अगाडि बढ़ने जानाकारी दिएको थियो ।

कार्यक्रममा नेपाल राजदूतबासको द्दितिय सचिव टोप नारायण गिरी, त्रितिय सचिव रेवन्त के.सी सहभागि रहेको स्वागत कार्यक्रको सहजीकरण महामन्त्री रामजंङ कार्किले गर्नु भएको थियोभने स्वागत उपध्यक्ष रामकूष्णबम मल्लले गर्नु भएको थियो ।