जापान, फागुन २१
जापानमा १० महिनाको अवधिमा १२ जना नेपालीले ज्यान गुमाएका छन् । फरक–फरक उद्देश्यले जापान आइपुगेका उनीहरूले ज्यान गुमाएका हुन् ।

सन् २०१६ जनवरी १ देखि अक्टोबर ३० सम्मको अवधिमा पर्यटन, पारिवारिकदेखि रोजगार, अध्ययन र व्यवसाय गर्ने उद्देश्को भिसामा जापान आएका १२ जनाले ज्यान गुमाएको जापानस्थित नेपाली राजदूतावास जनाएको छ ।

यसरी ज्यान गुमाउनेमा २ महिलासहित १० जना पुरुष रहेका छन् । जापानस्थित मृत्युअघिसम्मका उपचारमा सघाइरहेका डाक्टरले अधिकांशले बढी काम गरेको, शरीरलाई पर्याप्त मात्रामा खाना र पानीको असन्तुलन तथा आरामको सट्टा अल्कोहलयुक्त पेयपदार्थ पिउने गरेका कारण रोगले बढीजसोले ज्यान गुमाएका हुन् ।
मृत्यु हुनेमा ४ जना अध्ययनका लागि आएका विद्यार्थी, २ जना नेपालीले नै सञ्चालन गर्दै आएको रेस्टुरेन्टमा आएका कुक र १–१ जना प्रशिक्षार्थी र पारिवारिक भिसामा जापानमा आइ बसिरहेका थिए ।
जापानस्थित नेपाली राजदूतावासको तथ्यांकअनुसार १० महिनाको अवधि अर्थात् २०१६ को जनवरी १ देखि अक्टुवर १ सम्ममा १२ जनाले ज्यान गुमाएको उल्लेख गरिएको छ ।