चिसाङ शेर्पा खोटाङ
जेष्ठ नागरिक जिल्ला संघ खोटाङका बृद्धबृद्धालाई आर्थिक सहयोग प्राप्त भएको छ । धार्मिक भ्रमण एबं दर्शनमा निस्केका बृद्धबृद्धालाई ८५ हजार वढी आर्थिक सहयोग प्राप्त भएको छ ।

धार्मिक भ्रमण एबं दर्शनमा निस्केका बृद्धबृद्धालाई खोटाङ घरभई काठमाण्डौ कर्मथलो बनाई रहेका समाजसेवी, राजनीतिज्ञ, कलाकारले सहयोग गरेका हुन् । दश दिने धार्मिक भ्रमणको समापन दिन आईतवार काठमाण्डौको राष्ट्रिय सभा गृह परिसरमा देबी गेलालले ५१ हजार १ सय, लोक गायक धर्मराज पोखरेलबाट २५ हजार ५ सय २५ र चन्द्र आचार्यबाट ९ हजार १ सय रुपैयाँ गरी ८५ हजार ६ सय २६ नगद प्राप्त भएको ज्येष्ठ नागरिक जिल्ला संघ खोटाङका अध्यक्ष दुर्गाप्रसाद घिमिरेले बताए ।

भ्रमण समापनको दिनमा आर्थिक सहयोगीदाताले बृद्धबृद्धाहरुलाई दोसल्ला, खादा ओढाई सम्मान गरेको थियो । यसैगरी, टंक श्रेष्ठ र नेपाली कांग्रेस खोटाङका सभापती नरेश कुमार श्रेष्ठले दोसल्ला ओढाई सम्मान गरेका छन् । गत भदौ ३० गते जानकी मन्दिरमा फुलमाला लगाई स्वागत गरेको हलेसी सेवा समाजले सोही कार्यक्रममा बृद्धबृद्धालाई रुदाक्षको माला लगाई सम्मान तथा विदाई गरेका छन् । गत भदौ २९ गतेबाट धार्मिक भ्रमणमा निस्केका बृद्धबृद्धाहरु सोमबार घर फर्कदैछन् ।

यो पनि पढ्नुहोस

बृद्धबृद्धाहरुको धार्मिक भ्रमण सकियो (७ फोटो)
क्याप्सन : बृद्धबृद्धाहरुलाई सहयोग रकम हस्तान्तरण गर्नुहुदै सहयोगीदाता तस्विर, चिसाङ २०७५ असोज ७ राती ८ :४६ मा प्रकाशित